Qubayska Biyaha Qabow Subaxdii Wuxuu Si Cajiib Ah U Baddalaa Noloshaada. Ma Rabtaa Inaad Ogaato?
Maalin kasta marka uu qofku subaxdii hurdada ka soo kaco, waxaa dhacda inuu doorto biyo diirran si uu u kaco ama jirka u dejiyo.
Laakiin dad aad u yar ayaa og in biyaha qabow lagu qubeysto subaxdii ay tahay mid ka mid ah siraha ugu waaweyn ee beddeli kara caafimaadka, maskaxda, iyo tamarta jirka.
Aan si fudud u eegno sida uu jirka uga fal-celiyo marka biyaha qabow ay taabtaan maqaarka subaxdii.
Maqaarkaagu wuxuu leeyahay dareemayaal ama neerfo aad u badan oo si degdeg ah u diraya signalo gaara maskaxda.
Marka biyaha qabow ay si kedis ah u taabtaan jirka, maskaxdu waxay si degdeg ah u soo daysaa hormoonnada la dagaallama daalka iyo caajiska.
Kasoo qaad inaad leedahay kombuyuutar weyn oo xawaarahiisu gaabis yahay ama kululaaday inta uu shaqaynayay.
Si aad u soo celiso awooddiisa, waxaad mararka qaar dhahdaa “restart” degdeg ah oo dib u kicinaya dhammaan nidaamkiisa.
Qubayska qabow ee subaxdii waa sida “restart” oo kale oo loogu talagalay maskaxdaada iyo jirkaaga.
Muxuu yahay faa’iidada ugu weyn ee ay tani u leedahay caafimaadkaaga?
Marka ugu horreysa, waxay kor u qaadaysaa wareegga dhiigaaga.
Marka biyaha qabow ay ku dhacaan jirka, xididdada dhiiggu way is-ururiyaan si ay kulayl u sameeyaan, kadibna way ballaartaan.
Tani waxay keenaysaa in dhiiggu si xoog leh u gaaro dhammaan xubnaha gudaha iyo maskaxda, taas oo ku siinaysa tamar aan dhammaanayn maalinta oo dhan.
Marka labaad, qubayska qabow wuxuu xoojiyaa hab-dhiska difaaca jirka (immune system).
Cilmi-baaristu waxay muujinaysaa in dadka ku qabaysta biyaha qabow uu xanuunkoodu yar yahay, maadaama uu jirku kiciyo soo saaridda unugyada difaaca ee la dagaallama cudurrada.
Sidoo kale, waxay si weyn u caawisaa dhimista walwalka iyo niyad-jabka iyada oo maskaxda dejineysa.
Xalka ama taladu ma aha in isla markaaba aad ku qubeysato biyo baraf ah haddii uusan jirkaagu baran; waxaad ku bilaabi kartaa biyo caadi ah, kadibna aad si tartiib ah ugu yareyso kulaylka ilaa aad ka gaarto heer aad biyo qabow ku qabaysan karto.
Faa’iidadan cajiibka ah ee kicisa tamarta, xoojisa difaaca, isla markaana nadiifisa maskaxda waa Qubayska Biyaha Qabow ee Subaxdii (Cold Water Immersion Therapy).
Markaad arrintan ka dhigto mid joogto ah, waxaad siinaysaa jirkaaga awood iyo firfircooni la yaab leh oo beddeli doonta noloshaada maalinlaha ah.
Dr Waahin Sabriye + 252615963796
