Sidee Loo Kordhiyaa Difaaca Jirka 24 Saac Gudahood? Raac Talooyinkan
Difaaca jirku waa nidaam adag (biological system) ee ma aha batari mar qura la dallajiyo.
Si kasta ha ahaatee, haddii aad dareemayso inay xanuun kugu soo socdo ama aad rabto inaad sare u qaaddo tayada shaqo ee difaacaaga inta lagu jiro 24-ka saac ee soo socda, halkan waa talaabooyinka ugu saamaynta badan:
1. Hurdada (Waa Lambarka Koowaad)
Hadii aadan seexan 7-9 saac, difaacaaga wuxuu u shaqaynayaa si liidata. Hurdada dhexdeeda ayuu jirku soo daayaa borotiinnada loo yaqaan Cytokines, kuwaas oo la dagaallama caabuqa iyo infekshannada.
Talo: Caawa hore u seexo, qolkana mugdi ka dhig.
2. Iska yaree “Stress-ka”
Markaad walwasho, jirkaaga waxaa ku badata hormoonka Cortisol. Hormoonkan wuxuu fariin u diraa difaaca isagoo leh “shaqada jooji.”
Talo: Samee socod dheer ama iska dami taleefanka saacad, hormoonka ayaa si tois ah i yaraanaya difaaca jirkaagana shaqadiisa ayuu dib u bilaabanyaa
3. Cabista Biyo badan
Biyuhu waxay caawiyaan soo saarista Lymph, taas oo ah dheecaan qaada unugyada difaaca jirka. Sidoo kale, waxay qoyaanka ku ilaaliyaan sanka iyo cunaha si ay u qabtaan fayraska ka hor saacadba intaysan gudaha u gelin. Cab ugu yaraan 2 litir biyo ah maalin kasta
4. Kaabeyaasha (Supplements) si degdeg ah
Inkasta oo aysan mucjiso samaynayn 24 saac gudahood, kuwani waa kuwa ugu saamaynta badan ee saacado gudahood ku kicin kara unugyada cad-cad:
Vitamin C: Wuxuu caawiyaa wax-soo-saarka unugyada difaaca.
Zinc: Waxay joojisaa taranka fayraska haddii lagu qaato saacadaha hore ee xanuunka.
Vitamin D: Wuxuu furaa “furayaasha” difaaca jirka.
Maxaa kale oo muhiim ah?
Waxyaabaha aad Samaynayso Maxaad u samaynaysaa?
Ka tag Sokorta Sokortu waxay daciifisaa unugyada cad-cad (WBC) muddo saacado ah.
Cunista Toonta Waxay leedahay maadada Allicin oo dila bakteeriyada.
Dhaqdhaqaaq fudud Socod yar wuxuu wareejiyaa unugyada difaaca jirka oo dhan.
