Sifooyinka Ay Khasabka Tahay In Lamaanuhu Ku Kala Duwanadaan Ama Ka Midaysnaadaan
Doorashada lamaanaha iyo nolosha qoyska, waxa jira sifooyin u baahan midnimo si gurigu u dego, iyo kuwo u baahan kala duwanaansho si noloshu u dheellitirto. Isku-midnimada xad-dhaafka ah waxay keentaa caajis, kala duwanaanshaha xad-dhaafka ahna wuxuu keenaa iska horimaad.
1. Sifooyinka ay Khasabka tahay in laga Midoobo (Values)
Arrimahan waa laf-dhabarta xiriirka. Haddii halkan lagu kala duwanaado, waxaa dhasha khilaaf aan dhammaad lahayn.
Caqiidada iyo Diinta: In laga midoobo mabaadi’da diinta waxay sahlaysaa barbaarinta carruurta iyo jihada uu qoysku u socdo.
Hadafka Nolosha: Ma rabtaan carruur badan mase tirada caruur yar ? Halkee ayaad rabtaan inaad degtaan? Haddii mid rabo nolosha baadiyaha midna magaalada, mabaadi’da aasaasiga ah ayaa isdiiddan.
Aaminaadda iyo Daacadnimada: Labada dhinac waa inay isku raacsanyihiin in daacadnimadu tahay tiirka koowaad.
Maareynta Maaliyadda: In kasta oo kharashka lagu kala duwanaan karo, haddana waa in laga midoobo miisaaniyadda guud iyo badbaadinta mustaqbalka.
Xushmadda Qoysaska: In labada dhinacba ay isku raacsanyihiin ixtiraamka waalidiinta iyo ehelka labada dhinac.
2. Sifooyinka ay Fiican tahay in lagu Kala Duwanaado (Personality)
Kala duwanaanshahani wuxuu keenaa dheellitir (Balance).
Dabeecadda (Extrovert vs Introvert): Haddii midkood yahay qof bulshaawi ah, midna qof xirxiran, waxay iska caawiyaan in midba kan kale kasoo saaro meesha uu kaga fiican yahay.
Xallinta Mushkiladaha: Haddii labaduba ay yihiin dad qiiro badan (emotional), waxaa dhici karta in marka dhib dhaco labaduba ooyaan. Laakiin hadduu mid yahay qof aan emotional ahayn, wuxuu dejiyaa kan kale.
Hiwaayadaha (Hobbies): Maaha khasab inaad isku wax wada xiisaysaan. In qof kastaa leeyahay waxyaabo uu si gaar ah u xiiseeo (sida akhriska ama ciyaaraha) waxay xiriirka siisaa meel lagu kala.mashquulo
