Sirta Furaha Lagu Furo Albaabada Irzaaqada?
Istiqfaartu ma aha oo kaliya cibaado lagu tirtiro dunuubta, laakiin dhanka nolosha waa furaha barwaaqada. Waxaa jira xiriir toos ah oo ka dhexeeya dambi dhaaf weydiisashada iyo kororka hantida, kaas oo ku cad ballanqaadka rabaaniga ah.
Sirta ku jirta Suuratu Nuux
Halkan waa sirta rabaaniga ah ee ku xusan Qur’anka (Suuratu Nuux, Aayadaha 10-12), halkaas oo Allah uu ku sharaxay shan (5) faa’iido oo is-daba joog ah oo ka dhasha Istiqfaarta:
“يُرْسِلِ السَّمَاءَ عَلَيْكُم مِّدْرَارًا“: Inuu cirka idiinku soo daayo roob is-daba joog ah (Barako iyo kheyraad).
“وَيُمْدِدْكُم بِأَمْوَالٍ“: Inuu idinku kordhiyo Maal/Hanti. (Kani waa xiriirka tooska ah ee aad raadinayso).
“وَبَنِينَ“: Inuu idinku kordhiyo caruur iyo taran.
“وَيَجْعَل لَّكُمْ جَنَّاتٍ“: Inuu idiin yeelo beero (Ganacsi barwaaqo ah).
وَيَجْعَل لَّكُمْ أَنْهَارًا“: Inuu idiin yeelo wabiyaal (Ilaha dhaqaalaha oo aan guryayn).
Sidee “Istiqfaartu” cilmi-nafsiyan u saameeyaa dhaqaalaha?
Istiqfaartu kaliya ma aha erey, ee waa isbeddel gudaha ah oo fura albaabada xiran ee maskaxda:
Nadiifinta “Mental Blockage“: Dunuubta iyo qoomamada waxay abuuraan “stress” iyo madow maskaxeed oo kaa hortaagan inaad aragto fursadaha ganacsi ee kugu hareeraysan. Istiqfaartu wuxuu nadiifiyaa maskaxda, wuxuuna ku siiyaa deganaan aad ku qorshayso dhaqaalahaaga.
Kalsoonida (Confidence): Markaad dareento in Allah kaa cafiyey, waxaad helaysaa dhiiranaan aad ku gasho mashaariic cusub adigoo aaminsan in lagula jiro.
Barakada (The X-Factor): Dhaqaaluhu ma aha xisaab kaliya (1+1=2). Mararka qaar 100 dollar oo barako leh ayaa ka taran badan 1,000 dollar oo aan barako lahayn. Istiqfaartu waa matoorka barakada soo saara.
Habka loo dhaqan-geliyo “Sirta Istiqfaarta” (Practical Steps)
Haddii aad rabto inaad aragto isbeddel dhaqaale, ha u sameyn si tijaabo ah, ee u samey si hubanti ah:
Tirada ma aha ujeedka: In kasta oo la yiraahdo “100 jeer iyo ka badan,” ujeedku waa in qalbigaagu la socdo ereyga.
Waqtiga ugu saamaynta badan: Xilliga “Suaxaar” (inta aan la tukan salaadda Subax). Waa xilliga loo yaqaan Prime Time ee codsiyada dhaqaalaha la aqbalo.
Nooca Istighfaarka: Isticmaal “Sayidul Istiqfaar” ama ereyada fudud ee ah “Astaqfirullah wa atuubu ilayhi.”
Xusuusnow: Istiqfaartu waa sida adigoo nadiifinaya dhuumaha biyaha ee xirmay. Marka dhibcooyinka dambiga laga yareeyo dhuumaha, risiqii Allah ayaa si xawli ah kuugu soo fataha.
