4 Caado ee Habeenkii aad Samayso oo Burburinaya Maskaxdaada iyo Hormoonnadaada adiga oo aan Ogayn”

4 Caado ee Habeenkii aad Samayso oo Burburinaya Maskaxdaada iyo Hormoonnadaada adiga oo aan Ogayn”

Dad badan ayaa u haysta in caafimaad-darro ay tahay oo kaliya marka jirro lagaa helo, balse dhabta ayaa ah in qaabka aad u nooshahay habeenkii ay go’aamiso sida uu noqonayo mustaqbalkaaga caafimaad, midka taranka, iyo xitaa dhererka cimrigaaga.

1. Iftiinka Smart Phones (Blue Light) iyo Khalkhalka Melatonin

Markaad sariirta tagto adigoo isticmaalaya talefankaaga, indhahaaga waxaa ku dhacaya iftiinka telka. Nuurkani wuxuu maskaxda u sheegaa in weli “maalin” tahay.

Maxaa dhaca? Jirkaagu wuxuu joojiyaa soo saarista hormoonka Melatonin, oo ah hormoonka nidaamiya hurdada iyo dib-u-habaynta unugyada jirka.

Natiijada: Waxaad dareemaysaa daal subaxdii, xusuustaada ayaa daciifaysa, waxaana kor u kaca khatarta cudurrada dhimirka.

2. Cuntada Habeenkii dambe iyo Saamaynta Taranka

Cuntada la cuno xilli dambe (gaar ahaan sonkorta iyo karbohaydraytka) waxay kor u qaaddaa Insulin-ta.

Ragga: Heerka sare ee insulin-ta habeenkii waxay hoos u dhigtaa hormoonka Testosterone, kaas oo muhiim u ah mishiinka tamarta iyo taranka ninka.

Dumarka: Waxay keentaa isku-buuq dhanka hormoonnada ah (Hormonal Imbalance), taas oo saamayna weyn ku yeelata wareegga caadada iyo caafimaadka ugxan-sidaha.

3. “Revenge Bedtime Procrastination” (Dib-u-dhigista Hurdada)

Tani waa xaalad cilmi-nafsi ah oo qofku uu diido inuu seexdo xilli hore sababtoo ah wuxuu dareemayaa in maalintii oo dhan uu mashquul ahaa, haddana uu rabo inuu “xado” waqti uu ku raaxaysto.

Saamaynta: Tani waxay keentaa in jirku galo xaalad walaac joogto ah (Chronic Stress). Cortisol-ka (hormoonka walwalka) ayaa kordha, kaas oo daciifiya hab-dhiska difaaca jirka.

4. Hurdada oo aan la dhammaystirin (Deep Sleep)

Hurdada qotada dheer waa xilliga ay maskaxdu iska dhaqdo sunta (toxins) ururtay maalintii. Haddii aad seexato wax ka yar 7-8 saacadood, maskaxdaada “qashinka” lagama saaro. Tani waxay mustaqbalka fog horseedaa cudurrada illowshaha (Alzheimer’s).

Maxaa la gudboon qofka raba isbeddel dhab ah?

1. Iska dhig telefoonka 60 daqiiqo ka hor hurdada.

2. Cun cuntada ugu dambaysa 3 saacadood ka hor intaanad seexan.

3. Isticmaal iftiin daciif ah ama “Red light” qolka hurdada dhexdiisa si aad u kiciso Melatonin-ka.