Habka Ugu Saxan ee Loo Cabo Biyaha Si Aad Uga Fogaato Qaladaadka Caafimaad

Habka Ugu Saxan ee Loo Cabo Biyaha Si Aad Uga Fogaato Qaladaadka Caafimaad

Dad badan ayaa u haysta in biyaha la iska cabbo xilli kasta iyo si kasta, balse cilmi-baaristu waxay sheegaysaa in habka aad u cabto biyaha ay saameyn weyn ku leedahay caafimaadka dheef-shiidka iyo sida uu jirku u nuugo macdanta.

1. Cab biyaha adigoo fadhiya

Kani waa qaladka ugu weyn ee dadku sameeyaan. Markaad taagan tahay oo aad biyaha cabto, biyuhu waxay si xoog leh ugu dhacaan qaybta hoose ee hunguriga iyo caloosha, taas oo dhaawici karta darbiyada caloosha, mustaqbalka dambena keenta xanuunka kalagoysyada.

Talada: Had iyo jeer fariiso markaad biyaha cabayso si kelyaha iyo kaadi-haysta ay u sifeeyaan biyaha si habshami leh.

2. Ha isku wada shubin (InYar-Inyar u cab)

Inaad koob dhan hal mar wada liqdo maahan hab caafimaad leh. Biyuhu waxay u baahan yihiin inay ku dhex milmaan candhuufta afka si ay caloosha ugu degaan si dabiici ah.

Talada: Cab biyaha adigoo u qaybinaya kabashooyin yaryar (Sips), sida aad shaaha kulul u cabto oo kale.

3. Iska ilaali biyaha aadka u qaboow

Biyaha barafka ah ama aadka u qaboow waxay isku dhajiyaan xididdada dhiigga, waxayna hoos u dhigaan habka dheef-shiidka (digestion), taas oo keenta in baruurta ay adkaato in la gubo.

Talada: Cab biyaha heer-kulka qolka (room temperature) ama biyo qandac ah. Biyaha diirran waxay caawiyaan socodka dhiigga iyo nadiifinta sunta.

4. Xilliga ugu habboon ee la cabbo

Subaxda hore: Cab 1-2 koob oo biyo ah markaad hurdada ka kacdo si aad u dhaqdo xubnaha gudaha.

Cuntada kahor iyo kadib: Ha cabin biyo badan 30 daqiiqo ka hor cuntada iyo 30 daqiiqo kadib cuntada. Biyaha badan ee xilliga cuntada waxay milaan aasidka caloosha ee loogu talagalay inuu cuntada shiido.

5. Dhegayso jirkaaga (Harraadka)

Uma baahnid inaad isku qasabto 8 koob haddii jirkaagu uusan u baahnayn, sidoo kalena ha sugin ilaa aad harraaddo ama oonto. Haddii kaadidaadu tahay caddaan ama huruud aad u khafiif ah, taasi waa calaamad muujinaysa in jirkaagu haysto biyo ku filan.