Sirta 5 Farsamo oo ilmaha Looga Dhigayo Mid Wax Kasta Xasuusta.
Inaad ilmahaaga ka dhigto qof “maskax furan” oo wax kasta si degdeg ah u xasuusta ma aha wax dabiici ah oo kaliya, ee waa xirfad lagu dhisay tababar. Maskaxda carruurtu waa sida “balaastigga” oo kale—way fududahay in la qaabeeyo.
Halkan waa 5 farsamo oo cilmi-baaris ku dhisan oo ilmahaaga ka dhigaya “Genius” dhanka xasuusta ah:
1. Farsamada “Visual Association” (Isku-xirka Sawirka)
Maskaxda bani’aadamku uma xasuusato xogta sida qoraalka, laakiin waxay u xasuusataa sida sawirro.
Sida loo sameeyo: Haddii aad rabto in ilmuhu xasuusto magaca “Libaax“, ha ugu soo celcelin magaca kaliya. Isku xir libaaxa iyo sawir maskaxeed oo lala xiriirinayo shay uu jecel yahay.
Sirta: Mar kasta oo sawirka maskaxda ku jira uu yahay mid layaab leh ama qosol leh, way adagtahay in la ilaawo.
2. Tababarka “N-Back” (Ciyaarta Kaarka Xasuusta)
Kani waa mid ka mid ah ciyaaraha ugu caansan ee lagu kordhiyo waxa loo yaqaan Working Memory (Xasuusta shaqada).
Sida loo sameeyo: Soo qaad kaarar leh sawirro kala duwan. Mid mid u tusi, ka dibna weydii: “Sawirkan hadda ka horreeyey muxuu ahaa?”
Natiijada: Tani waxay ku qasbeysaa maskaxda inay xog cusub qaabisho iyadoo xogtii horena dib u soo xasuusanaysa
3. Farsamada “The Journey Method” (Habka Socdaalka)
Habkan waxaa isticmaala dadka ku guuleysta tartamada xasuusta adduunka.
Sida loo sameeyo: Ka codso ilmahaaga inuu qiyaaso guriga dhexdiisa. Kadib, waxyaabaha uu rabo inuu xasuusto (sida liiska casharka) mid walba ha “dhigo” meel guriga ka mid ah maskaxdiisa (tusaale: Buugga xisaabta wuxuu yaallaa sariirta dusheeda, kan sayniska wuxuu yaallaa talaagadda).
Sirta: Marka uu u baahdo inuu xogta soo saaro, wuxuu maskaxda ku dhex “soconayaa” guriga isagoo soo ururinaya xogtii uu meelaha dhigtay.
4. Habka “Active Recall” (Dib u soo celinta Firfircoon)
Khaladka ugu weyn ee waalidiintu sameeyaan waa inay ilmaha ku yiraahdaan “akhri casharka mar kale.” Akhriska soo noqnoqda ma dhiso xasuusta.
Sida loo sameeyo: Markuu hal mar akhriyo, buugga ka xir, ka dibna weydii: “Maxaad ka xasuusataa wixii aad akhrisay?”
Sirta: Inuu ilmuhu ku dhibtoodo inuu xogta ka soo saaro gudaha maskaxdiisa waxay abuurtaa xididdo xasuuseed oo aad u adag.
5. Jimicsiga “Memory Tray” (Saxaarad Xasuuseed)
Kani waa jimicsi aad u xiiso badan oo dareenka ilmaha kicinaya.
Sida loo sameeyo: Saxaarad ku rid 10-15 shay oo kala duwan (fure, qalin, saacad, tufaax, iwm). U ogolaan ilmaha inuu eego muddo 30 ilbiriqsi ah. Ka dib, maro ku dabool, weydiina inuu magacaabo inta shay ee uu xasuusto.
Sirta: Maalin walba shay ku kordhi si aad u tijaabiso xadka maskaxdiisa.
Xaqiiqo Muhiim ah (Sirta):
Xasuustu ma koraan haddii ilmuhu uusan helin Hurdada maalintii. Habeenkii markuu ilmuhu seexdo, maskaxdu waxay “save” garaysaa wixii uu bartay maalintii. Haddii hurdadu ku yaraato, wixii uu bartay oo dhan way lumayaan.
