Sirta Testosteron-ka: Sida loo kordhiyo iyo 8 Qodob Muhiim Ah

Sirta Testosteron-ka: Sida loo kordhiyo iyo 8 Qodob Muhiim Ah

Hormoonka Testosterone waa mishiinka kaxeeya raganimada, murqaha, xoogga, iyo niyad-wanaagga qofka. Marka uu hoos u dhaco, waxaad dareemaysaa daal, niyad-jab, iyo daciifnimo.

1. Hurdo Tayo Leh (7-9 Saacadood)

Tani waa sirta ugu weyn. Inta badan Testosterone-ka jirkaaga waxaa la soo saaraa inta aad huruddo. Haddii aad seexato 5 saacadood oo kaliya, heerka hormoonkaagu wuxuu hoos u dhacayaa qiyaastii 15% hal habeen gudaheed.

2. Faa’iidada Zinc iyo Vitamin D

Vitamin D: Waa saaxiibka koowaad ee Testosterone-ka. Qorraxda u fadhiiso ugu yaraan 15 daqiiqo maalintii.

Zinc: Waxaa laga helaa hilibka cas, digirta, iyo looska. La’aanta Zinc waxay keentaa in hormoonkani si degdeg ah u dhaafo.

3. Iska Yaree Welwelka (Cortisol)

Marka aad walbahaarto, jirku wuxuu soo saaraa hormoonka Cortisol. Labadan hormoon (Testosterone iyo Cortisol) waxay u shaqeeyaan sida miisaanka: Marka mid kor u kaco, ka kale ayaa dhaca. Isu dheelitirnaanta waa fure.

4. Dufanka Caafimaadka Qaba

Ha ka baqin baruurta caafimaadka qaba sida:

A. Saliid saytuun (Olive oil)

B. Afaakaadhada (Avocado)

C. Looska iyo ukunta. Jirku wuxuu u baahan yahay dufan si uu u soo saaro Testosterone.

5. Iska Yaree Sonkorta iyo Burka

Cunista sonkorta badan waxay kor u qaaddaa Insulin-ka, taas oo si toos ah u xidha ama hoos u dhigta Testosterone-ka dhiiggaaga ku jira.

6. Yaree Miisaanka (Baruurta Caloosha)

Baruurta caloosha ku ururtaa waxay leedahay enzyme la yiraahdo Aromatase, kaas oo Testosterone-ka u beddela hormoonka haweenka (Estrogen). Calool yaraantu waxay ka dhigan tahay raganimo badan.

7. Iska Ilaali Caagadaha (Plastics)

Bilaastigga waxaa ku jira kiimikooyin la yiraahdo BPA iyo Phthalates oo u ekaysiiya jirka hormoonka Estrogen-ka. Isku day inaad biyaha ku cabto dhalooyinka ama galaas  macdan ama birta ah.

8. Qubeyska Biyaha Qabow

In kasta oo cilmi-baaristu ay weli socoto, haddana waxaa la rumeysan yahay in biyaha qabow ay kiciyaan qanjidhada soo saara Testosterone-ka, halka kulaylka badan ee xad-dhaafka ah (sida uumiga joogtada ah) uu daciifiyo.