9 Shay oo ay tahay inaad ilmahaaga barato ka hor 5 sano.
Caruurta shanta sano ee ugu horreysa nolosha waa xilliga ugu muhiimsan ee maskaxdoodu ay dhismo hayso. Halkan waxaa ku qoran 10 shay oo aasaasi ah oo ay tahay inaad ilmahaaga barato ka hor inta uusan gaarin 5 sano:
1. Luuqadda iyo Isgaarsiinta
Bar ilmahaaga inuu si cad u weydiisto waxa uu u baahan yahay. Tani maahan kaliya barashada ereyada, laakiin waa inuu barto sida loo cabbiro dareenkiisa (sida: “waa gaajaysanahay” ama “waa xanaaqsanahay”).
2. Akhlaaqda iyo Asluubta
Waa inaad bartaa ereyada asluubta sida “Fadlan” marka uu wax codsanayo iyo “Mahadsanid” marka wax loo sameeyo. Tani waxay dhisaysaa ixtiraamka uu dadka kale u hayo.
3. Nadaafadda Shakhsiga ah
Ka hor 5 sano, ilmuhu waa inuu yaqaannaa sida loo dhaqo gacmaha, sida loo cadaydo ilkaha, iyo isticmaalka suuliga (toilet training).
4. Sida loola macaamilo dadka kale
Bar ilmahaaga inuu wax la qaybsado carruurta kale (sharing). Tani waxay ka caawinaysaa inuu saaxiibbo yeesho marka uu dugsiga bilaabo iyo inuusan noqon qof is-jecel anaani ah
5. Lambarada iyo Xarfaha Aasaasiga ah
Maahan inuu noqdo aqoonyahan, laakiin waa inuu aqoonsan karaa xarfaha qaarkood iyo inuu tiran karo ugu yaraan 1 ilaa 20. Tani waxay u diyaarinaysaa jawiga waxbarashada.
6. Magacyada Midabada iyo Qaababka
Inuu kala saari karo midabada aasaasiga ah (casan, buluug, cagaar) iyo qaababka (goobada, saddex-xagalka, laba-jibbaarka).
7. Badbaadada iyo Macluumaadka Gaarka ah
Bar ilmahaaga magaciisa oo buuxa, magaca waalidkiis, iyo haddii ay suurtogal tahay cinwaanka guriga ama lambar taleefan. Sidoo kale, bar inuusan raacin qof uusan aqoon (stranger danger).
8. Naxariista Xayawaanka iyo Deegaanka
Bar inuusan dhibin xayawaanka oo uusan dhirta goyn ama qashinka ku daadin meel kasta. Tani waxay dhisaysaa damiirka ilmaha.
9. Xallinta dhibaatada si fudud
Halkii uu ooyi lahaa mark kasta oo uu wax waayo, bar inuu isku dayo inuu xalliyo dhibaatada. Tani waxay kor u qaadaysaa kalsoonida uu isku qabo (Self-confidence).
